Тымытыктан Җәннәтеләсма Хәсәншина 90 яше уңаеннан котлаулар кабул итте. ФОТОРЕПОРТАЖ.

Тымытык авылында гомер кичерүче Җәннәтеләсма Хәсәншина бүген 90 яшен тутырды. Аны олуг юбилее белән район башкарма комитеты җитәкчесенең социаль мәсьәләләр буенча урынбасары Дамир Гыйләҗев, социаль яклау бүлеге җитәкчесе Элиза Мәрданшина, Тымытык авыл җирлеге башлыгы Айрат Фазлыев, ветераннар советы рәисе Радик Солтанов, балалары тәбрикләде.

Җәннәтеләсма апа Хәсәншәех ага белән 6 бала тәрбияләп үстерәләр. Гомере буе колхозда тырыш хезмәт куйган тыл ветераны бүгенге көндә балаларының ихтирамын, кадер-хөрмәтләрен күреп, үз өендә матур гына гомер кичерә.