«Татмедиа» бүләкләренә азнакайлылар да ия булды. ФОТОРЕПОРТАЖ.

Һәр яртыеллыкта "Татмедиа" акционерлык җәмгыяте үз канаты астындагы газета-журналларга язылучылар арасында бәйге игълан итә. Күпләп басма матбугат алдыручылар арасында һәрвакыт азнакайлылар да була. Бу юлысы да якташларыбыз: Сарлы мәктәбенең рус һәм татар телләре укытучысы Гөлнара Сәйфетдинова һәм Туйкәдә яшәп иҗат итүче шагыйрь Илдус Гыйләҗев "Татмедиа"ның махсус бүләкләренә ия булдылар һәм алар хуҗаларына "Маяк" газетасы редакциясендә тапшырылды.

- «Маяк», «Мәгариф», «Салават күпере» һәм «Татарстан яшьләре»н алдырам. Гаиләбез белән һәрберсенең килүен көтеп алабыз. Минем өчен газета-журналларны кулга тотып укыга җитми. Өченче елын инде «Татмедиа» бүләген алам, рәхмәттән башка сүзем юк, - ди Гөлнара Сәйфетдинова.