“Маяк” бәйгесенә йомгак ясалды

"Маяк" газетасы редакциясендә матур да, тантаналы да вакыйга булды: Яңа ел алдыннан игълан ителгән "Әтәч яшеллек ярата" иң затлы бәйрәм салаты рецепты бәйгесенә йомгак ясадык. Газетаның баш мөхәррире - "Татмедиа" АҖ филиалы директоры Фәрхәт Шәйхулов конкурста иң күп тавыш җыеп призлы урыннар яулаган Надежда Авзаловага ( беренче урын), Илдар Миргасимовка (икенче урын), Зөлфия Шәриповага (өченче урын) "Маяк"тан истәлекле бүләкләр тапшырып, җиңүләре белән котлады.

-Без "Маяк"ны да, аның сайтын да бик яратып укыйбыз, -диде Надежда Авзалова. - Менә шушындый кызыклы бәйгеләрне гел оештырып торасыз. Моның өчен барлык газета укучылар исеменнән рәхмәт сүзләрен ирештерәсе килә. Бик күңелебез булды, зурладыгыз.