Азнакайда Чернобыль һәм Маяк һаләкәтләре ветераннарын хөрмәтләделәр
Илебез тарихында кар тап булып калган Чернобыль фаҗигасен һәм шулай ук 1957 елда Маяк катастрофасын бетерүдә катнашкан батыр ир-егетләребез һәр елдагыча, Хәтер көненә җыелды.
Бу фаҗигаләрне ликвидацияләүдә районыбыздан 120 дән артык кеше үз хезмәтен куйды. Ни кызганыч, аларның сафлары елдан-ел сирәгәя бара. Хәтер көне чарасына фидакарь якташларыбызның тол хатыннары чакырылды.
Онытылмас вакыйгалар турында хәтерләр яңарды, сәламәтлекләре какшап, арабыздан бик иртәли киткәннәрнең якты истәлеге барланды. Ир-егетләребезгә, инде исән түгелләрнең толларына юбилей медальләрен, гомер бәйрәмнәрен билгеләп үтүчеләргә район башлыгының Рәхмәт хатларын тапшырып, район башлыгы урынбасары Роза Галеева һәм хәрби комиссар Рәдиф Камалеев батырлыкка тиң фидакарьлек күрсәткән ир-егетләргә җитәкчеләр һәм азнакайлылар исеменнән рәхмәт сүзләрен, изге теләкләрен ирештерделәр.
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев