Азнакай юлларында карга каршы көрәш җәелде
Бүген Азнакайда ишеп-ишеп кар яуды. Гидрометеорология хезмәте хәбәр итүенчә, карның калынлыгы 33 см тәшкил иткән.
Бердәм дежур деспитчерлык хезмәте белдергәнчә, федераль трассаларда транспорт хәрәкәте вакытлыча чикләнгән.
Районда һәм шәһәрдә бөтен көч юлларны кардан чистартуга юнәлдерелгән.
“Бүген иртән кар чистартырга барлыгы 10 берәмлек техника җәлеп ителде. Иң беренче чиратта эш үзәк урамнарда алып барыла”, – ди яшелләндерү һәм төзекләндерү буенча күптармаклы җитештерү предприятиесе җитәкчесе Альберт Ханнанов.
Шулай ук автомобиль юллары идарәсе техникалары да кар чистартуга чыккан.
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев