Азнакай янгынчылары сынатмады

Азнакай шәһәрендә яңа оешкан 12 нче янгын часте командасы Әлмәт шәһәренең өйрәнү полигонында узган һөнәри осталык ярышларында икенче урынны яулады. Анда Федераль янгынга каршы хезмәтенең 2 нче отрядына караган 14 бүлекчә көч сынашты. Команда әле мондый ярышта беренче тапкыр катнаша. Аңа алга таба да уңышлар телибез.

– Азнакай данын Рузил Рәшитов, Марат Садыков, Сирень Фәйзуллин, Айдар Латыйпов, Ильяс Ибәтуллин якладылар. Егетләр үзләрен бердәм команда итеп күрсәттеләр, бар көчләрен һәм белемнәрен куйдылар, ярышка җаваплы карадылар, – ди 12 нче янгын часте начальнигы Марат Кәримов.