Азнакай районы зур үсешкә ирешкән

Татарстан республикасы муниципаль берәмлекләренең 2013 елдагы социаль-икътисади үсеше рейтингында Азнакай муниципаль районы 7 урында тора.

Бу хакта Татарстан Президент Аппараты җитәкчесе урынбасары Илнур Гарипов ТР Министрлар Кабинетында узган брифингта сөйләде. Татарстан Республикасы Икътисад министрлыгы әлеге рейтингны 5 абсолют күрсәткеч һәм бер төркем чагыштырмача индикаторларны истә тотып төзелгән.

Илнур Гарипов узган ел нәтиҗәләре буенча үсешкә ирешкән районнар арасында Азнакайны да атады. Әлеге нәтиҗәләр район җитәкчеләренең актив эшләү күрсәткече дип бәяләнде. Мондый уңышларга ирешергә яңа эш урыннары булдыру, районга инвестицияләр җәлеп итү юнәлешендә башкарылган гамәлләр мөмкинлек биргән.

www.intertat.ru сайты материалы буенча эшләнде

Фото www.aznakaevo-rt.ru