Азнакайның Балалар иҗаты үзәгендә яшь армиячеләр балы узды
Купшы бал күлмәкләре кигән кызлар, ыспай хәрби киемнәрдәге егетләр... Барысы да бәйрәм төсмере бирде.
Әлеге чарада катнашучыларны район хәрби комиссары Руфат Гайнетдинов, район мәгариф идарәсе җитәкчесе урынбасары Зөлфия Зарипова, «Яшь армиячеләр» хәрәкәтенең җирле бүлеге штабы начальнигы Ринат Җиһаншин сәламләделәр, яшь армиячеләргә укуларында, тормышларында уңышлар, бәйрәмнәренең күңелле узуын теләделәр. Бер төркем укучыларның тантаналы рәвештә ант итеп, «Яшь армиячеләр» сафына кабул ителүе күңелдә горурлык хисләре тудырды. Хәрәкәт активистларын һәм җитәкчеләрен бүләкләү ямь өстенә ямь булды.
Менә бәйрәмнең иң күңелле мизгелләре җитте. Кыш бабай һәм Кар кызыннан башка нинди бәйрәм булсын. Алар укучылар белән бергә биеделәр дә, төрле уеннарда да катнаштылар. Яшь армиячеләр төрле бал биюләрен башкарып, үзләренең сәнгатьтә дә осталыкларын күрсәттеләр. Һәммәсе дә үзен элеккеге тарихи чорларга, традицияләргә кайткан кебек хис итте. Бу көнне яшь армиячеләр махсус хәрби операциядәге ир-егетләребезгә «Солдат хатларын» да юлладылар.
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев