Поэтическая дочь Тархана

После окончания школы трудилась в колхозе, затем уехала в Среднюю Азию, работала на хлопчатобумажном заводе. В скором времени вернулась и проработала рабочим в Азнакаевском УАД, позже маляром в НГДУ «Джалильнефть». Проживала и занималась творчеством в рабочем поселке Джалиль.

Стихи пишет с детства, посещает литературное объединение «Гульстан» при газете «Маяк». Активный член литературно-творческого объединения «Җәлил чаткылары». Гафифа Гаффарова автор 5 книг, на ее стихи написаны песни. Лауреат премии имени С. Рафикова Сармановского района.

        Китеп барам әле

Туган нигез белән хушлаштым дип,

Шигырь язып куйдым күңелдән.

Юл буенда үскән тирәкләрем

Сагыш нурларына күмелгән.

Мине тирги авылым карчыклары,

Без бит авылыбызда яшәрлек.

Ә мин торам башны аска иеп,

Сүз таба алмыйм каршы дәшерлек.

Улым белән килен акыл бирә

– Туган авылын ташлап кем китә,

Сагындым дип кире кайтачаксың,

Бер ел түгел, бер ай бик җитә.

Киреләнеп китеп барам әле

Чирләремне төйнәп төенгә.

Бер еллык ялымны алдым диеп

Аксый-туксый шәһәр өенә.

         Әни җитми икән

Ашыга-ашыга авылыма кайтам

Уйларымны җигеп бүген дә.

Мамык шәлең ябынып көтәсеңдер

Кайтуымны капка төбендә.

Әй, ашкына күңел, әй, талпына,

Нәрсә җитми инде бу җанга?

Сабый чагым җитәкләп әнием

Син калгансың икән бит анда!

Туган нигез, ишек алларымның

Яшел чирәменә сарылам,

Әниемнең сөялле куллары

Чәчтән сыйпауларын сагынам.

Һәр кешенең үз сагышы була,

Ә минеке сыймый җиһанга.

Дөньясына нәрсә булган дисәм,

Әни җитми икән бу жанга.

     Гафифә Гаффарова