Азнакайлылар игътибарына! Тик яткан җир кишәрлекләрен тартып алачаклар

Аның нигезендә законның 6 нчы маддәсенә дә үзгәрешләр кертелде. Әлеге маддәтнең 1 нче пунктында авыл хуҗалыгы билгеләнешендәге җирләрне максатчан билгеләнештә файдаланмаган очракта, җир кишәрлекләрен тартып алу турында кисәтелгән.

Әгәр җир кишәрлегеннән өч ел һәм аннан да күбрәк вакыт дәвамында максатчан билгеләнеш буенча файдаланмау факты ачыкланса, әлеге хокук бозу ачыкланган көннән мондый җир кишәрлеге кимендә өч ел рәттән Россия Федерациясе законнарын бозып файдаланылса, мондый җир кишәрлеге авыл хуҗалыгы билгеләнешендәге җирләрнең уңдырышлылыгын сизелерлек киметүгә яисә әйләнә-тирә мохиткә зыян китерүгә китергән Россия Федерациясе законнарын бозып файдаланылса; җир кишәрлеге сатып алынган датадан бер ел узгач максатчан билгеләнештә файдаланылмаса, тартып алынырга мөмкин.

Элек 3 ел рәттән хуҗаларның җир кишәрлегеннән файдаланмауларын исбатларга туры килә иде, ә намуссыз милекчеләр административ җаваплылыктан һәм соңыннан җирләрне тартып алудан саклану өчен төрле хәйләле адымга баралар иде. Мәсәлән, җир кишәрлеген башка кеше исеменә теркиләр, яки өстен-өстен генә агротехник чаралар үткәрә иделәр. Хәзер моны эшләп булмаячак.

– Ел саен тикшерүләр барышында республика күләмендә 70-100 мең га файдаланылмый торган җирләр ачыклана. 2024 елда чүп үләннәре һәм агач-куаклар үсү нәтиҗәсендә җирләрдән файдаланмау фактлары ачыкланды. Андый җирләрнең мәйданы 62 мең гектар. 2024 елда Россельхознадзорның Татарстан Республикасы идарәсе 105 гектар мәйдандагы 11 җир кишәрлегенә карата контроль (күзәтчелек) чараларының 7 материалы Татарстан Республикасы мөлкәт һәм җир мөнәсәбәтләре министрлыгына җир кишәрлекләрен мәҗбүри тартып алу максатында судка мөрәҗәгать итү өчен җибәрелде, – ди "Россельхознадзор" инспекторы Татьяна Кашапова.