Шифаханәдә түләүсез дәвалану: Татарстанда кемгә тиеш

Түләүсез шифаханәдә дәвалану социаль хезмәтләрнең федераль җыелмасы кысаларында медицина күрсәткечләре буенча бирелә.

Кемнең бушлай юлламага хокукы бар

Санатор юлламасын алуга гражданнарның түбәндәге категорияләре дәгъва итә ала:

• хәрби хәрәкәтләр чорында статус алган инвалидлар;
• Бөек Ватан сугышында катнашучылар;
• Бөек Ватан сугышы елларында хәрби объектларда хезмәт иткән яисә эшләгән гражданнар;
• сугышчан хәрәкәтләр һәм локаль конфликтлар ветераннары;
• «Блокададагы Ленинградта яшәүче» һәм «Камалыштагы Севастопольдә яшәүче»таныклыклары ияләре;
• бурычларын үтәгәндә һәлак булган хәрби хезмәткәрләрнең һәм хәрби хәрәкәтләрдә катнашучыларның туганнары;
• инвалид кешеләр, шул исәптән сәламәтлек мөмкинлекләре чикләнгән балигъ булмаган балалар;
• Чернобыль АЭСындагы һәлакәт, шулай ук Семипалатинск полигонындагы атом-төш сынаулары нәтиҗәсендә зыян күргән затлар.
• Озата баручы зат өчен путевка

18 яшькә кадәрге инвалид балага яки I төркем инвалид гражданинга шифаханәдә дәвалану таләп ителгән очракта озатып йөрүченең түләүсез торуы каралган.

«Татар-информ»