Рөстәм Миңнеханов «Теләкләр чыршысы» акциясе кысаларында балачак хыялларын тормышка ашырды
Татарстан рәисе Рөстәм Миңнеханов «Корстон» КСККда «Татарстан Республикасы Муниципаль берәмлекләре советы» ассоциациясенең XX съезды кысаларында узган «Теләкләр чыршысы» акциясендә катнашты. Бу хакта ТР Рәисе матбугат хезмәте хәбәр итә.
Чара барышында Миңнеханов чыршыдан берничә баланың: уен кухнясы турында хыялланган Яр Чаллыдан 5 яшьлек Егорның, чыбыксыз колонка сораган Казаннан 12 яшьлек Ранисның, шулай ук Швеция стенасын теләгән Луганск Халык Республикасыннан 9 яшьлек Максимның теләкләре язылган открыткаларны алды.
Элегрәк Татарстан рәисе Казан Кремлендә акциядә катнашкан һәм өч балачак хыялын тормышка ашырган иде инде.
Акциягә шулай ук Рәис администрациясе җитәкчесе Әсгать Сәфәров та кушылды, ул берничә баланың теләген үтәүгә алды: Биектау районыннан 9 яшьлек Радмир өчен «Зенит-Казан» волейбол клубы белән очрашу, Казаннан 12 яшьлек Габделкәрим өчен йөгерү чаңгылары, Әлмәттән 17 яшьлек Зарина өчен сюрприз-бүләк, шулай ук Лисичанскидан Юрий өчен скейтборд..
«Теләкләр чыршысы» акциясе Россиядә 2017 елдан бирле ел саен үткәрелә һәм мөмкинлекләре чикләнгән балаларны, ятимнәрне, аз керемле гаиләләрдәге балаларны, хәрбиләр һәм мобилизацияләнгәннәрнең балаларын, шулай ук Донецк һәм Луганск халык республикалары, Запорожье һәм Херсон өлкәләре территориясендәге конфликт зоналарында яшәүче, шулай ук атышлардан зыян күргән Россиянең кайбер төбәкләрендә яшәүче балаларны үз эченә ала.
2025 елда акция 15 ноябрьдә старт алды һәм 2026 елның 28 февраленә кадәр дәвам итәчәк. Татарстанда ЕЛКАЖЕЛАНИЙ.РФ проекты сайтына 3 меңнән артык балалар теләге җибәрелгән.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев