Шагыйрь Илдус Гыйләҗевнең иҗат кичәсе була
Шагыйрь Илдус Гыйләҗевне районда гына түгел, республикада туган җиргә, туган телгә мәхәббәт җырчысы итеп беләләр. Җанга якын шигырьләре һәркемдә якты хисләр уята. Олуг юбилее - 70 яше тулу уңаеннан 31 мартта 17.00 сәгатьтә шәһәр-район Мәдәният йортында әдипнең иҗат кичәсе үткәрелә. Шигърият, җыр-моң сөючеләрне танылган язучылар белән очрашу да көтә.
