Азнакайда ветераннарга поликлиникада максатчан тикшерелү үткәрелде, анализлар алынды
Сафлары елдан-ел сирәгәя барган сугыш ветераннары бүген җәмәгатьчелекнең күз уңында. Район үзәк поликлиникасы тарафыннан да аларның сихәтлек торышы ел әйләнә күзәтелеп торыла. Бер ай дәвамында аларга максатчан тикшерелү үткәрелде, анализлар алынды. Гомумпрактика табиблары үз участокларындагы һәр фронтовик-ветеран янында булып, аларның хәл-әхвәлен белешә, кирәк булганнарга тар белгечлек табиблары җибәрелә.
