Азнакайда “Урман утырту көне” уздырылачак
Әйләнә-тирәбездә күпме генә агач булмасын, яшеллек беркайчан да артык булмый. Бу уңайдан җирлегебездә ел саен масштаблы эшләр башкарылып тора. Республикабызда уңай экология вәзгыяте булдыру максатында, 11 октябрьдә табигатьне саклауга багышланган "Урман утырту көне" уздырылачак. Әлеге акция кысаларында 10 октябрь көнне Азнакай районы һәм шәһәре территорияләрендә агач утырту оештырыла.
