Азнакай районының өч авыл җирлекләренә “Шевроле Нива” автомобиле ачкычлары тапшырылды
Татарстан көне уңаеннан Дәүләт Советында муниципаль берәмлекләр арасында ел саен уздырылучы республика смотр-бәйгесенә йомгак ясалды. Республиканың тотрыклы үсешендә зур мәгънә салган 93 җиңүчегә "Шевроле Нива" автомобиле ачкычлары тапшырылды. Әлеге дәрәҗәле бүләккә ия булучылар арасында Азнакай муниципаль районының Туйкә, Балтач, Уразай авыл җирлекләре дә бар.
