Азнакай районы Чубар Абдул Сабан туенда көрәштә 15 яшьлек кыз җиңгән!
Милли көрәш – һәр Сабан туеның йөзек кашыдыр, мөгаен.
Бил алышучыларны карарга кемнәр генә җыелмый икән!
Ә менә Чубар Абдулда узган авыл Сабан туенда 18 яшькәчә яшүсмерләр арасында барган көрәш ярышында егетләрнең барысын да алып салып, шәһәрнең 4 нче лицеенда белем алучы 15 яшьлек Эльвина Зарипова җиңү яулаган!
– Билбаулы көрәш буенча район, районара турнирларда бүләкле урыннар алганым бар иде, Сабантуйда көрәшкәнем юк иде әле, – ди Эльвина.
Моңа кадәр ул хоккей, шорт-трек, йөзү, фигуралы шуу, бию белән дә шөгыльләнә, әмма билбаулы көрәш күңеленә якынрак була. Бүген Эльвина тренер Артур Миңнеханов кул астында шөгыльләнә.
– Көрәш белән шөгыльләнә башлагач, әти-әнием башта җәрәхәт алудан курыктылар. Әмма мин куйган максатыма ирешә торган кеше, Сабан туйда җиңүем көрәш белән шөгыльләнү өчен тагын да стимул бирде, – ди Эльвина Зарипова.
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев