Азнакайның ветеран-спортчылары укучылар белән тәҗрибә уртаклаша
Укучыларны спортка тарту, аларга күнекмәләр бирү максатыннан район хакимияте инициативасы буенча ветеран-спортчылар мәктәпләрдә очрашулар уздырып, үз тәҗрибәләре белән уртаклашалар.
Тугызынчы дистәсен түгәрәкләсә дә, әле һаман сафтагы танылган спортчы Мәннәф Хөҗҗәтов Азнакай 1 нче урта мәктәбендә булып, балаларны мылтыктан ату һәм турникта тартылу серләренә төшендерде.
“Бездә спорт белән шөгыльләнү өчен мөмкинлекләр җитәрлек: йөзү, зур теннис, волейбол, баскетбол, футбол түгәрәкләре эшли, хоккей классы ачылды. Ярышларда да актив катнашабыз һәм призлы урыннар алып киләбез”, – ди мәктәп директоры Дамир Фәттахов.
Балаларга тырышлык, максатчанлык җитми, дип исәпли Мәннәф Хөҗҗәтов.
“Турникта 10 тапкыр тартылу әз яшьләргә. Мин әле бүген дә 20-30 тапкыр тартыла алам”, – ди ул.
Мәннәф ага күп кенә бүгенге физкультура укытучыларының да остазы.
– Без аңардан күп нәрсәгә өйрәндек. Бүген Мәннәф аганың мәктәбебезгә килүе – укучылар өчен зур вакыйга. Алар тере легенда белән очраштылар, өлкән яшьтә дә физик ныклыкны саклап калырга мөмкин икәнне күрделәр, мылтыктан ату, турникта тартылу буенча файдалы инструкцияләр алдылар, – ди Гүзәлия Газизова.
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев