Азнакайның 6 нчы мәктәбендә укучылар ГТО нормативларын тапшырды

Районда ГТО нормативларын кабул итү, халыкны физикультура белән шөгыльләнүгә тарту, сәламәт яшәү рәвешен пропагандалау буенча зур эшләр башкарыла.

Кичә шәһәребезнең 6 нчы мәктәбендә белем алучылар да “Хезмәткә һәм оборонага әзер” (ГТО) Бөтенроссия физкультура-спорт комплексы нормативларын тапшырды.

– Алар идәннән куллар белән этелү, баскан килеш урындыктан иелү, урыннан озынлыкка сикерү, турникта тартылу, яткан килеш гәүдәне күтәрү, ату буенча нормативлар үтәделәр.  Нәтиҗәләр буенча укучыларга күкрәк билгеләре тапшырылачак, – ди тестлаштыру үзәге җитәкчесе Гүзәл Шириазданова.