Азнакайда сугыш ветераны Канәгать Газизуллин истәлегенә бильярд ярышлары бара
Бүген шәһәрдә, дистә еллар дәвамында килгән традиция буенча, Канәгать Газизуллин истәлегенә бильярд ярышлары бара.
Ул легендар шәхеснең 100 еллыгы уңаеннан оештырылды. Спортның бу төре буенча көч сынашырга дип Азнакай шәһәреннән генә түгел, авыллардан да килгән өлкәннәр саны биш дистәдән артып китә.
Ярышларны ачу тантанасында район башкарма комитеты җитәкчесе Айдар Шәмсетдинов та катнашты. Үзенең чыгышында ул әтиләре, бабалары истәлеген онытмаган, еллар дәвамында аның лаеклы эшен дәвам иткән балаларына, оныкларына рәхмәт сүзләрен җиткерде.
Соңыннан Канәгать Газизуллинның балалары, чордашлары да аның турында хатирәләрен яңарттылар. Уеннар берьюлы биш өстәлдә бара.
Турнир турында тулырак — «Маяк» газетасы битләрендә.
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев