Азнакайда муниципаль хезмәткәрләр спартакиадасы бара
Бүген «Чатыр-Тау Арена» спорткомплексына муниципаль хезмәткәрләр спартакиадасы кысаларында ир-атлар командалары арасында волейбол ярышлары старт алды.
Уеннарны ачу тантанасында район башлыгы Марсель Шәйдуллин да катнашты, үзенең чыгышында ул барлык спортчыларга уңышлар теләде.
Азнакайда узган ярышларда Зәй, Әлмәт, Түбән Кама, Казан, Нурлат, Яшел Үзән, Лениногорск, Алабуга, Яр Чаллы шәһәрләре командалары җиңү өчен көрәшә. Уеннар ике мәйданда – «Чатыр-Тау Арена» спорткомплексы һәм Азнакай политехника техникумы базасында үтә.
Волейбол буенча спартакиада ярышлары ике көн дәвам итәчәк.
Райондашларыбызга уңышлар телибез!
Смотрите фото ниже в галерее.
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев