Азнакайда армрестлинг буенча ярышлар узды

Ел саен уздырыла торган ярышлар Азнакайның «Юбилейный» спорт мәктәбе стеналарында старт алды. Катнашучылар -  әлеге төр буенча спорт секциясенә  йөрүче 50 гә якын малай һәм кыз. Спорт мәктәбе директоры Айрат Миңнеханов сүзләренә караганда, соңгы елларда районда Армрестлинг үсеп бара. «Укучылар яхшы гына нәтиҗәләр күрсәтә, разрядлар үти.  Армрестлингның үзе турында сөйләсәк, бу төр  Сабантуйда көрәштән кала 2 нче урында тора.  Шулай ук 1 май бәйрәме, шәһәр бәйрәме, ишегалды бәйрәмнәре кул көрәшеннән башка үтми», – дип уртаклашты. 

Әйе, карап торуга  әллә ни катлаулы да түгел кебек.  Бары тик кул көче һәм җитезлек кирәк. 

Матч вакытында ярышучыларның шул ук исемдәге куллары каты, тигез өслеккә куела һәм куллар йозакка ябыша. Ярышучы кул көрәшчесенең бурычы-дошманның кулын өскә кысу. 

Спорт залларында шөгыльләнгән кызлар һәм малайлар өчен үз-үзеңне  сынап карау бу. 

Киеренке көрәшнең  нәтиҗәләре буенча, җиңүчеләр 15 категориядә билгеләнде, аларга медаль һәм грамоталар тапшырылды