Эшмәкәрләр – кыю халык

Илшат бик кызыклы шәхес булып чыкты. Ат “җене” кагылган аңа. Керем турында сүз чыккач та:

“Алардан күбрәк чыгым...” дип елмаеп куйды. Атларга кечкенәдән гашыйк икән ул. Аларны чабышка да әзерли, өйрәтә икән. Әле менә һөнәри бәйрәмнәре алдыннане гына аты дулап китеп, егылып төшкән һәм аягын сындырган. Тормыш булгач, акчасыз булмый бит инде ул. Ә Рузилә һәм Илшат Әхмәтовларның төп керем чыганагы – ул  мөгезле эре терлекләр. Әхмәтовлар аларны күпләп асрыйлар.  Үзе механизатор булгач, Илшат үзе үк техникасын да иярли. Мал азыгын да үзләре җитештерәләр. Эшмәкәрлек, бизнес белән шөгыльләнүчеләрнең һәр минут, секунды кадерле. Шуңа да Илшат Әхсән улының тизрәк терелеп, сафка басуын телибез. Ә Әхмәтовлар турында кызыклы мәкаләне “Маяк” газетасының алдагы саннарыннан укырсыз.