Талпаннан саклан!

Талпан кадалган икән, кичекмәстән медицина ярдәменә мөрәҗәгать итәргә кирәк. Үз белдеклегең белән арынуның ахыргы нәтиҗәсе зыян белән бетәргә мөмкин.

–Май, июнь, июль айларында талпан зарарлы, шуңа да урман-кырларга чыкканда озын җиңле, кул-аяк, баш каплаулы киемнән булу яхшырак. Безнең җирлектә бу бөҗәк аеруча зәһәрле саналганлыктан, бу чорда урманнарга барудан тыелып тору мәслихәт, – дип кисәтә Роспотребнадзор идарәсенең Бөгелмә, Азнакай, Баулы, Ютазы районнары буенча территориаль бүлеге баш белгеч-эксперты Розалия Хәсәншина. – Җирлегебездә талпан кадалып медучреждениегә мөрәҗәгать итүчеләр бар.  Зарарлы бөҗәктән организмга вирус эләкмәсен дисәң, һичшиксез вакцина ясатырга кирәк. Бигрәк тә урман-кырларда эшләүчеләргә.