Азнакайда хәрби җыр һәм саф бәйгесе узды
Азнакайда ел саен Җиңү бәйрәме алдыннан мәктәп укучылары арасында хәрби җыр һәм саф бәйгесе уздыру традициягә әверелде.
Тантаналы марш белән атлау, хәрби комиссарга рапорт бирү, командаларны төгәл үтәү – “Юбилейный” стадионында 10 мәктәп командасы оешканлыкта, бердәмлектә һәм вокал буенча осталыкларын күрсәттеләр.
Смотрда катнашучыларны муниципаль район башлыгы Марсель Шәйдуллин сәламләп, Ватанны яратырга, аның чын патриотлары булып үсәргә чакырды.
Күчмә кубокны быел 2 нче мәктәп командасы яулады. Шулай ук иң яхшы командирларны да билгеләделәр. Җиңүчеләргә бүләкләр тапшырылды.
Быел балалар бакчаларының өлкән төркемнәре дә бәйге тотты һәм алар арасында җиңүчеләр дә бүләкләнде.
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев