Азнакайда елның иң яхшы тәрбиячесен билгелиләр
«Ел тәрбиячесе» бәйгесенең район этабында 16 педагог катнаша
Бүген шәһәрнең 14 нче «Родничок» балалар бакчасы базасында «Ел тәрбиячесе-2023» Бөтенроссия конкурсының муниципаль этабы старт алды.
Ул тәрбиячеләр һәм балаларга татар теле буенча белем бирүчеләр арасында ике номинация буенча үткәрелә.
— Конкурс өч көн барачак. Беренче көнне тәрбиячеләр занятиеләр күрсәтсә, аннан соң үзләре белән таныштыра, мастер-класслар үткәрәчәкләр. Тәрбияче бала белән бер дулкында булырга тиеш. Шуңа җиңүчеләрне билгеләгәндә тәрбиячеләрнең балалар белән ничек эшләвенә, аның һөнәри дәрәҗәсенә, занятиеләрдә заманча алымнар куллануына игътибар бирәчәкбез, — ди мәгариф идарәсе методисты Эльвира Сәитова.
Муниципаль этапта җиңү яулаган тәрбиячеләр Азнакай данын зона бәйгесендә яклаячак.
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев