Актүбә бистәсе укучылары экологияне саклауга үз өлешләрен кертәләр
Актүбә бистәсенең "Развитие" балалар иҗаты үзәгендә "Чиста бистә" дип исемләнгән бәйге үтте.
Экологик чара берничә этаптан торды.
Беренчесендә укучылар үзләренең проектларын якладылар.
Актүбәнең 1 нче мәктәбе укучылары куллануда булган батарейкаларның кеше һәм табигать өчен зыяны; 2 нче мәктәп укучылары икенчел чималларны яңадан куллану турында сөйләделәр. 3 нче мәктәп укучылары өй шартларында маска ясау хакында видео күрсәттеләр.
Чараның икенче этабында укучылар сорауларга җавап бирделәр, соңыннан түгәрәк өстәл артында кызыклы аралашу булды.
Балаларның чыгышларына бәяне жюри әгъзалары - ТР Экология һәм табигый байлыклар министрлыгының Ык буе территориаль идарәсе баш белгече Эльза Вәлиева, Мәлбагыш урманчылыгы лесничие Бәхтияр Хәшимов, "Развитие" балалар иҗаты үзәге методисты Елена Лобова бирде.
Нәтиҗәләр буенча Актүбәнең 2 нче мәктәбе укучылары беренче урынны яуладылар. 3 нче мәктәп укучылары - икенчедә, 1 нче мәктәп командасы - өченчедә.
- Проектларның һәрберсе кызыклы фикерләргә бай иде, укучылар барыбыз өчен актуаль булган проблемаларны күтәргән, - ди Эльза Вәлиева.
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев