Баланлы Бүләк авылы Яңа елны яңартылган мәдәният йортында каршылый

Авыл халкының шатлыгын район башкарма комитеты җитәкчесе Айдар Шәмсетдинов та уртаклашты һәм Яңа ел белән котлап, изге теләкләрен юллады, мәдәният учагының гөрләп эшләвен теләде.

– Бик матур, җыйнак кына, 40 урынлык тамаша залы, фойесы бар, бер бүмәдә авыл тарихын чагылдырган музей оештырырга ниятлибез, – дип мәдәният йорты директоры Илдар Гадиев үзенең планнары белән дә уртаклашты.

Фойесына чыршы бизәп куйганнар. Бүген кичен биредә балмаскарад узачак. Мәдәни үзәкнең “Ихлас” фольклор ансамбле белән Чаллыдан җырчы Данис Шәрәфетдиновны кунакка көтәләр.

Әнә шулай беренче көненнән үк бәйрәм рухында эшен башлый мәдәният йорты.