Азнакай районы Мөслим авылында каз өмәсе гөрләде (ФОТО)

Мөслим авылында каз өмәсе гөрләп узды.

Халкыбызның борынгы йоласы – ул үзара ярдәмләшү генә түгел, аралашу, күңел ачу, кыз-кыркын эшкә өйрәтү дә.

Әлеге чарада район башлыгы урынбасары Наҗәт Нәгыймов катнашты һәм хуҗаларга изге теләкләрен җиткерде.

Гармун моңына кушылып, җырлый-җырлый уңган кызлар, апалар каз йолкыдылар, аннан түшкәләрне көянтәләргә асып, буага чайкарга алып төштеләр. Эш беткәч, кунакчыл өстәл артында каз маена манчый-манчый тәбикмәкләр белән тәмләп чәй эчтеләр, сыйландылар.

Мәдәни үзәкнең “Ихлас” фольклор ансамбле өмәдә катнашучыларга үзенең дәртле җыр-биюләрен бүләк итте.

Гүзәл Николаева, Мәдәни үзәк директоры