Азнакайда яшь пешекчеләр бәйге тотты
Азнакай политехник техникумында Татарстан Республикасында Милли мәдәниятләр һәм традицияләр елы уңаеннан яңа башлангычка нигез салынды – биредә балалар арасында милли аш-су әзерләү буенча “Яшь пешекче” бәйгесе үттте.
Анда 9 нчы сыйныфта белем алучы 14 укучы катнашты.
Жюри яшь пешекчеләрне төрле яклап сынады: ризыклар күргәзмәсе, өстәлне бәйрәмчә бизәү, катнашучыларның бәйгегә иҗади якын килүләре... һәммәсе бәяләнде.
– Районыбызда татар һәм рус халыкларының гына түгел, башкорт, әрмән, грузин, үзбәк һәм башкаларның да гореф-гадәтләре, традицияләре саклануын күреп, аеруча куандык. Бәйгедә катнашучыларның, аларны әзерләгән укытучыларның фантазиясенә шаклар катарлык, өстәлләр сый-нигъмәттән сыгылып торды. Мондый бәйгене беренче генә уздырсак та, ул күпләрдә зур кызыксыну уятты, – ди техникум директоры Роберт Хөснетдинов.
Кыстыбый, гөбәдия, өчпочмак, хачапури, урама, пылау... мондагы муллыктан башларың әйләнерлек иде. Жюрига да иң-иңнәрне билгеләү җиңел бирелмәде.
Бәйге җиңүчесе булып Урманай мәктәбенннән Ләйсән Шакирова танылды.
Шәһәрнең 1 нче мәктәбеннән Сәидә Садыйкова һәм 7 нче мәктәп укучысы Эллина Гатауллина икенче урынны яуладылар. Тымытыктан 3 Амальходжа Корбанов һәм 9 нчы мәктәптән Миләүшә Мөстәкыймова өченче булдылар.
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев