Азнакайда ZamaCode олимпиадасы финалының җиңүчеләре билгеле булды

Чара шәһәребезнең 7нче  мәктәбе базасында узды. Залда 20 финалисттан тыш, район һәм шәһәрнең төрле мәктәпләреннән 7-11 нче сыйныф укучылары да бар иде. Алар өчен нейросетьлар белән эшләү буенча кызыклы осталык дәресләре үткәрелде, катнашучылар мондагы интеллектуаль  атмосферага чумып,  үз көчләрен сынап карадылар. Бу формат заманча белем бирү –  теория генә түгел, ә технологияләрнең алгы чигендәге практика булуын дәлилли.

«Замакод» проектының нигез салучысы, Азнакайда яшәп,  шәһәрнең 7-нче номерлы мәктәбен тәмамлаучы Азиз Җамалиев.

«Без программалау, нейросетьлар һәм CTF өлкәсендә яңа буын белгечләр әзерлибез, аларның бурычы – глобаль санлы системаларны үстерү һәм аларның иминлеген тәэмин итү» – дип, ул проектның төп максатын билгеләде.

Олимпиада җиңүчеләрен бүләкләү тантанасында муниципаль район башлыгы Марсель Шәйдуллин да катнашты. Ул барлык укучыларны котлап, ЗамаКод кебек инициативаларга ярдәм итү – бу югары дәрәҗәле санлы белгечләр әзерләүгә мөһим адым булуын ассызыклады.

«ЗамаКод» программалау олимпиадасының  нәтиҗәләре түбәндәгечә:
1 урын – Яромир Мирзәхмәтов (Азнакай шәһәренең 1нче  мәктәбе),  Яромир җиңүче кубогы һәм 50 000 сум күләмендәге сертификат белән бүләкләнде;
2 урын – Алмаз Шәехов (Азнакай шәһәренең 5нче  мәктәбе),  Алмаз 30 000 сум күләмендәге сертификатка ия булды;
3 урын – Айдар Бәзгытдинов (Актүбә бистәсенең  3нче  мәктәбе), Айдар 20 000 сум күләмендәге сертификатка лаек булды.

Укучыларын   әзерләгән остаз укытучылар да бүләкләнде:

• Хөснетдинова Регина Рифкат кызы (Азнакай шәһәренең 1нче мәктәбе ) — 25 000 сум
• Габдуллина Фәридә Мирзаһит кызы (Азнакай  шәһәренең 5нче  мәктәбе) — 15 000 сум
• Денисова Ирина Борис кызы (Актүбә бистәсенең 3 нче номерлы мәктәбе,) — 10 000 сум!

Барлык җиңүчеләрне һәм аларның остазларын котлыйбыз!

Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!