Азнакай укучысы сайлау хокукы буенча Бөтенроссия олимпиадасында җиңү яулады

2-3 март көннәрендә Россия Федерациясе Үзәк сайлау комиссиясендә мәктәп укучылары арасында сайлау хокукы һәм сайлау процессы мәсьәләләре буенча «Софиум» бөтенроссия олимпиадасының финал сынаулары тәмамланды.

Азнакай шәһәре 6 нчы урта мәктәбенең 10 нчы сыйныф укучысы Әдилә Нәфыйкова Татарстан Республикасы җыелма командасы составында уңышлы чыгыш ясап, олимпиадада җиңү яулады (җитәкчесе – Галина Лобанова).

Җиңүчеләргә сертификатларны Россия Үзәк сайлау комиссиясе җитәкчесе Элла Памфилова тапшырды.