Азнакайда балалар Халыкара туган тел көнен билгеләп үттеләр
21 февраль – Халыкара туган тел көне. Ул бөтен дөньяда билгеләп үтелә һәм һәр милләт бу көнне туган теленә карата булган хөрмәтен белдерә.
Районыбызда да бу көнне күп чаралар үткәрелде. Шуларның берсе, Азнакай 18-нче балалар бакчасында Халыкара Туган тел көненә багышланган "Чикләвек" интеллектуаль уены узды.
Балалар өч командага бүленеп, татар телендә булган белемнәрен тапкырлыкта, зирәклектә сынадылар.
"Тәрҗемә ит", "Дүртенчесе артык", "Әдәби викторина", "Капитаннар ярышы" кебек уеннарда актив катнаштылар, белем тупладылар. Чара җыр, бию белән үрелеп барды.
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев