Азнакай 2 нче мәктәбендә әфган сугышы ветераны белән очраштылар
Совет гаскәрләрен Әфганстан җиреннән чыгаруга 33 ел тулу һәм Ватан сакчылары көне уңаеннан район мәктәпләрендә Батырлык дәресләре бара.
Шундый истәлекле очрашу шәһәребезнең 2 нче урта мәктәбендә әфганчы Равил Аитов белән оештырылды.
"Минем бабам әфган сугышы ветераны" темасы чагылдырылган класс сәгатендә мөхтәрәм кунак икенче сыйныф укучыларына үзенең сугышчан дуслары, солдат юллары хакында сөйләде. Оныгы - Алия Хәбибуллина бу минутларда аеруча горурлык кичереп утырды һәм үзе дә бабасы турында сыйныфташлары алдында бик матур чыгыш ясады.
Патриотик хисләр уяткан дәрес укучыларның күңелендә озак сакланыр әле.
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев