Юбилеең белән, Алсу апа!
Газета укучыларыбызны үзенең эчтәлекле, тәрбияви мәкаләләре белән сөендереп торучы актив хәбәрчебез Алсу апа Габделхакованың олы юбилее. Аңа – 80 яшь.
Ул – Азнакай кызы. 1945 елның 19 июлендә Азнакай районы Әгер авылында туа. Балачак, яшьлек еллары да биредә уза. Уразай авылы егете Габделхаков Әхтәм Гайнелгыйлем улына кияүгә чыга. Әмма озак кына Азнакайдан аерылып торырга туры килә аңа. 1972 елда гаиләсе белән КамАЗ төзелешенә китеп, 45 ел гомерен Яр Чаллы шәһәрендә үткәреп, Алсу апа кабат туган якларына кайта. Хәзер ул ялгызы гына Азнакай шәһәрендә яши. Пенсия яшендә булуына карамастан, Алсу Мирзәет кызы гел дә тик кенә тормый: җәмәгатьчелек эшләрендә, яшь буынны тәрбияләү өлкәсендә тырыш хезмәт куя. Әмма төп көчен волонтерлык эшенә багышлый. Мәктәпләрдә, гимназиядә үсмер балалар белән аралаша, патриотик тәрбия чараларында актив катнаша. Безгә ул тормышчан, тәрбияви мәкаләләре белән генә түгел, ә бәлки “Сандыктагы музей” проекты буенча да яхшы таныш. Алсу апаның кул эшләреннән торган бик бай коллекциясе бар. Аның киләчәккә бик матур хыялы бар: Азнакай шәһәрендә балалар һәм яшүсмерләр өчен кул эшләре үзәге булдыру. Матур хыяллары тормышка ашсын!
Районыбыз өчен матур эшләр белән янып йөрүче актив хәбәрчебез, киңәшчебез, волонтер Алсу апаны ихлас күңелдән юбилее белән котлыйбыз. Аңа ныклы сәламәтлек, иминлек, һәрчак шулай шат күңелле, ярдәмчел, матур эшләр белән янып йөрүен теләп калабыз.
“Маяк” газетасы редакциясе коллективы
Алсу Габделхакова иҗаты
Рәхмәтлемен
Яшим шулай
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев