Азнакай хәрби комиссариатында ирекле контрактчыларны озаттылар

Социаль мәсьәләләр буенча  район башкарма комитеты җитәкчесе урынбасары  Дамир Гыйләҗев һәм хәрби комиссар урынбасары  Раушан Йосыпов контракт буенча хезмәткә баручы  ир-егетләребезгә  олы рәхмәт сүзләрен җиткерделәр, исән-имин лаеклы хезмәт итеп кайтуларын теләделәр.

 Ватанны саклау – изге бурыч.  Җитәкчеләребез исеменнән  дөрес карар сайлаганыгыз өчен олы рәхмәтемне белдерәм.  Сезнең белән горурланалар һәм яраталар, –  диде  Дамир Гыйләҗев.

Газизеңне озату җиңел түгел. Хәрби комиссариат алдына ирекле хезмәткә баручыларның якыннары, дуслары, шәһәр халкы җыелган иде. Алар да нәкъ шундый ук изге теләктә: “Исән-сау әйләнеп кайтыгыз!”