Азнакайда ишегалларында дөрес куелмаган машиналар янгын сүндерүчеләргә комачаулый

Әмма гадәттән тыш хәл вакытында бу зур куркыныч тудырырга мөмкин. Чөнки янгын чыкканда һәр секунд кадерле, ә машина белән тулган ишегалды махсус техниканың тиз арада килеп җитүенә комачаулый ала.

Бүген күп кенә йорт ишегалларында автомобильләр шулкадәр тыгыз куела ки, алар арасыннан хәтта җиңел машинага да үтү җиңел түгел. Ә янгын сүндерү техникасы исә гади автомобильдән аерыла: аның үлчәмнәре зуррак, борылыш ясау мөмкинлекләре чиклерәк.

Янгын сүндерү автомобиленә иркен үтү юлы, борылыш мәйданчыгы кирәк. Безнең бурыч – вакыйга урынына мөмкин кадәр тиз килеп, кешеләрне һәм милекне саклап калу,

– ди 24 нче янгын сүндерү часте инженеры Гөлназ Кәримова.

Биеклеге 28 метрга кадәр булган йортлар янында махсус техниканың үтү юлы киңлеге кимендә 3,5 метр булырга тиеш.

Тупик ишегалларында 15х15 метр зурлыгындагы борылыш мәйданчыклары каралган. Анда машина кую катгый тыела.

Машинаны дөрес куймауның нәтиҗәләре җитди булырга мөмкин.

Шуңа кайда да булса машинагызны калдырганчы юл киңлеген бәяләгез. Аннан зур йөк машинасы үтә алырмы?

Әгәр машинагызны тар урында калдырырга мәҗбүр булсагыз, алгы тәрәзәгә элемтә өчен телефон номерыгызны язып кую да артык булмас.