Мәчет кенә түгел, игелек тә төзибез: Азнакай интернаты белән очрашу
Азнакайның «Зәнгәр мәчетендә Ислам дине тәрбиясе, иман байлыгы, тормышыбызның яшәү мәгънәсенә багышланган чаралар еш уза».
Шундый күркәм очрашу районның Актүбә бистәсендә урнашкан өлкәннәр һәм инвалидлар интернат-йортында яшәүчеләр белән утте.
Кунакларны мәчет имамы Нәфис хәзрәт каршы алып, төзелә торган зур, янкорма мәчет белән таныштырды, рухи ныклык иманга килү турында сөйләде, үгет-нәсихәт бирде.
Мәчет белән танышканнан соң мәжлес табын артында узды. Кунаклар тәмле ризыклап белән сыйланып, күңелле итеп аралаштылар. Хәзрәт, үтемле итеп вәгазь сөйләде.
"Зәнгәр мәчет" интернат-йортка беренче генә булышмый-мәхәллә кешеләре даими рәвештә өлкәннәргә еш кына кунакка баралар, аларга игелекле сүз һәм эш белән ярдәм итәләр.
Имам -хатыйб Нәфис хәзрәт әлеге чара хакында: "Күркәм һәм матур очрашу булды, динебез Ислам турында сөйләшеп, тормышыбызны аңлашып, догалар кылып уздырдык бу мәжлесне. Дөньяларыбыз тыныч, имин булсын, алдагы көннәребездә дә, Аллаһның рәхмәтендә яшәү насыйп булсын! – дип белдерде.
Мондый якыннан аралашу интернат - йортта яшәүчеләргә ныклык,сабырлык һәм яшәү рухы бирә.
Автор: Әлфия Иксанова
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев