Азнакай хуҗабикәләренә җайлы өчпочмак рецепты

Мин әнкәйчә, төче камырдан пешерәм, ачы камыр ашказанына авыр. Су, 1 йомырка, тоз, көнбагыш мае, оннан камыр басам. Бәлешкә, бәрәңге тәкәсенә, кыстыбыйга да шулай. Артык калган камырны пакетка салып, морозилкага куям, кирәк чакта алып пешерергә җайлы.

Ашларыгыз тәмле булсын!

Пешергән бүген әнисе

Бик тәмле өчпочмаклар.

Табын артында тып-тын,

Селкенә тик колаклар.

Ләйлә генә аптырашта,

Менә сиңа табышмак:

Бер ягын китеп капкан да,

Ашадым, ди, берпочмак.

Өлкәннәр аның сүзеннән

Рәхәтләнеп көлделәр.

"Күпме генә ашасаң да,

Өчпочмак ул," – диделәр.