Шәһәр урамнары гөрләп торды
Шимбә көнне азнакайлылар ике мөһим вакыйганы — Республика һәм Шәһәр көннәрен билгеләп үттеләр.
Бәйрәм программасы шәһәрнең Татарстан мәйданында башланды. Биредә районның балалар иҗат коллективлары чыгыш ясады.
Азнакайлыларны һәм кунакларны район җитәкчеләре котлады һәм изге теләкләрен җиткерде. Район башкарма комитеты җитәкчесе Айдар Шәмсетдинов, бәйрәм кунакларын сәламләп, район казанышларында, республиканың чәчәк атуында һәр азнакайлының өлеше булуын билгеләп үтте.
Кичәнең төп вакыйгаларының берсе – Татарстан Республикасының Атказанган артисты Ландыш Нигъмәтҗанова, якташыбыз Рузил Вәлиев һәм Башкортстан Республикасы кунагы Рәдиф Зарипов катнашында концерт булды. Алар кич буе тамашачыларга үз хитларын бүләк иттеләр. Ә Азнакай халкы һәм килгән кунаклар аларга бик теләп кушылып җырладылар һәм биеделәр.
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев