Грипп көннән-көн җәелә бара

Әлегә безнең районда хәл торышы начар булмаса да, салкын тиеп чирләү очраклары арта тора. "Бүгенге көндә профилактик эшчәнлек киң җәелдерелде, - ди район үзәк сырхауханәсенең эпидемиология мәсьәләләре буенча урынбасары Светлана Ибраһимова. - Стационардагы барлык бүлекләрдә саклану чаралары күрелә. Грипп баш калкыткан очракта, резерв бүлек әзер. Биредә 17 өстәмә урын булдырылды. Ул бигрәк тә көмәнле ханымнар, балалар, өлкән яшьтәгеләрне күздә тотып эшләнде. Хәле авыр булган бу категория авырулар һәм инде бер яшькәчә балалар стационарда, табиблар күзәтүе астында дәваланачак".