Чемодур авылында халык җыены үтте

Ландыш ГАБИТОВА, 9 февраль 2024 - 08:57

299

Районыбызда халык җыеннары дәвам итә

Чемодур авыл җирлегенә кергән Чемодур, Алферовка һәм Тетвель авыллары халкы өчен мәдәният йортында бәйрәм төсендәге җыен оештырылды.

Биредә район башлыгы урынбасары Роза Галеева, Чемодур авыл җирлеге башлыгы Алина Курганская, Яшьләр һәм туризм идарәсе җитәкчесе Миләүшә Минһаҗева, район Советы депутаты Раил Фәттахов, халыкның сорауларына җавап бирергә әзер төрле оешма вәкилләре һәм җирлек Советы депутатлары катнашты.

Чара матур концерт номерлары белән ачылды. Җирлектә тугры хезмәт куючыларны, тату гаилә корып, озак еллар бергә яшәгән парларны бүләкләделәр.

Җирлек башлыгы Алина Курганская узган 2023 елда башкарылган эшләр буенча хисап тотты. Соңыннан һәр теләгән кеше үзен борчыган мәсьәләләр буенча сорау биреп, төгәл җавап ала алды.