Азнакайлылар космонавтлар белән элемтәгә чыктылар
Азнакай яшьләр коллектив радиостанциясендә шөгыльләнүчеләр Халыкара космик станция экипажы белән элемтәгә чыктылар.
Россия космонавты Сергей Кудь-Сверчков һәм экипаж командиры, якташыбыз - Бөгелмә егете Сергей Рыжиков укучылар һәм өлкәннәрне кызыксындырган күп кенә сорауларга җавап биреп, космонавтлар тормышы турында сөйләделәр.
– Мондый аралашуны тагын 7 май – Радио көнендә уздырырга уйлыйбыз. Анда катнашырга теләүчеләрдән инде сораулар да килә башлады, – ди Азнакай яшьләр коллектив радиостанциясе җитәкчесе Ринат Вәлиев.
Космонавтлар белән аралашу чарасына 4 нче территориаль үзидарә рәисе Нурия Хаҗипова чакыруы буенча Монолитта яшәүчеләр дә килгән иде.
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев