Азнакайлылар виртуаль парталарда бизнес серләренә өйрәнделәр

Мәгълүм булганча, Республикада беренче тапкыр кече һәм урта эшмәкәрләр өчен, шулай ук үз эшен башларга җыенучыларга ярдәм йөзеннән "Бизнес-класс" вертуаль укулары оештырылды.

Әлеге проектка 15 майда ук старт бирелде. Программа алты айлык курсларны үз эченә алды һәм укулар да бушлай булды.

Яшь белгечләр тәҗрибәле остазлардан он-лайн, офф-лайн дәресләр алдылар. Бөтен дөнья күләмендә алга киткән әзер программада үзебезнең азнакайлылар да актив катнашты, барлыгы 152 кеше әлеге проектта теркәлеп, махсус курслар үтте.

Проект бүген дә гамәлдә. Теләгән һәркем www.business-class.pro сайтында теркәлеп, укуын дәвам итә ала. Әмма бу юлысы инде остазлардан башка гына. Бу хакта тулырак материалны " Маяк" газетасының алдагы саннарыннан укыгыз.