Азнакайда мошенниклар пенсионерларны акча арткан дип алдый

Телефонга шалтыраткан хатын-кыз үзен Пенсия фонды идарәсе хезмәткәре дип таныштыра һәм пенсияләренә яңадан исәп-хисап ясалганлыгы хакында хәбәр итә. Сөйләшү барышында ул пенсионерга әлеге сумманы күчерү өчен банк мәгълүматларын чагыштырып карарга тәкъдим итә.

Азнакай районы буенча Пенсия фонды идарәсе халыкка пенсиянең яңадан исәпләнүе көтелмәвен хәбәр итә, индексацияләр инде ясалган.

Уяу булыйк, зурга өмет итеп, әздән колак кага күрмәгез. Банк реквизитларын Пенсия фонды идарәсе вәкилләре дә, банк хезмәткәрләре дә сорамый. Аларны беркемгә дә хәбәр итмәгез.

Шикле очракларда Татарстан Республикасы буенча Азнакай районы Пенсия фонды идарәсенә 7-01-50 телефон номеры буенча шалтыратуыгыз сорала.

Фото:https://pixabay.com