Азнакай янгын сүндерүчеләре һөнәри бәйрәмнәрен билгеләделәр - ВИДЕО

Россиядә янгын сагы хезмәткәрләре көне уңаеннан район-шәһәр Мәдәният йортында тантаналы чара оештырылды. Янгынчыларны бәйрәмнәре белән котлап, район башкарма комитеты җитәкчесе Айдар Шәмсетдинов аларга изге теләкләрен җиткерде.

– Барлык азнакайлылар исеменннән дәүләт янгын куркынычсызлыгын тәэмин итү хезмәткәрләре һәм тармак ветераннарына рәхмәт сүзләрен җиткерәм. Шәһәр урамнарында шомлы сирена тавышлары мөмкин кадәр сирәгрәк ишетелсен, гаиләгездә – туганнарыгыз һәм якыннарыгыз арасында ешрак булырга язсын, – диде җитәкче үзенең чыгышында.

Бәйрәм булгач, бүләкләнүләр дә күп булды. Янгын сагы хезмәтендә торчы бер төркем фидакарьгә район башлыгының Мактау грамоталары һәм тармак бүләкләре тапшырылды.