Азнакайдан Айгөл Вәлиуллина Болгар радиосы милли музыкаль премиясе лауреаты буларак игълан ителде
Менә тагын Казан шәһәренең «Пирамида» күңел ачу сараенда «Болгар радиосы» XII Милли музыкаль премиясен тапшыру тантанасы узды.
Бу бәйрәм үз эченә татар җырына җырчы буларак һәм автор буларак өлеш керткән иҗат әһелләренең тырышлыгын сыйдыра. Әлбәттә нәтиҗә ясала, диплом һәм бүләкләр белән зурлана. Болгар радиосының 12 нче Милли премиясен алучылар арасында райондашыбыз, бик күп популяр җырлар авторы Айгөл Вәлиуллина да бар. Аның сүзләренә язылган дүрт җыр: «Алга барабыз» (Гүзәл Уразова башкара, Риназ Фазлыйәхмәтов көе) «Пар аккошлар» (Азат, Алсу Фазлыевлар башкаралар, Раил Өметбаев көе), «Аңла йөрәк» (Илшат Сафин башкара, Раил Өметбаев көе) «Мәхәббәт тавышы» (Рәфил, Эльмира Җәләлиева башкаралар, Ривал Хисмәтуллин көе) югары бәя алып, җиңү яулады.
Айгөл Вәлиуллинаның әлеге премиягә 12 нче тапкыр лаек булуы. Афәрин! Котлыйбыз!
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев