Авыл яшьләре лидерлары киңәште

Анда Азнакай районының аграр яшьләр оешмасы җитәкчесе Гөлназ Исламова да катнашты.

Гомумән, соңгы елларда авылда яшәүче яшь-җилкенчәк республика Яшьләр эшләре министрлыгының күз уңында. Аларның иҗтимагый тормышын актив итү, яшәешләрен яхшыртуда төрле программалар, проектлар гамәлгә кертелә. Әлеге форумда да сүз нигездә әнә шулар хакында барды. Лидерлар министр урынбасары Ренат Садыйков белән очрашуда үзләрен кызыксындырган күп кенә сорауларга җаваплар алдылар.