Актүбәдә шигърият кичәсе узды

Актүбә мәдәният йортында рус шагыйре Сергей Есенин иҗатына багышланган әдәби кичә узды. Татьяна Овсянникова башкаруында «Я Московский озорной гуляка», Светлана Муравьева башкаруында «Отговорила роща золотая» романслары яңгырады. «Арабески» вокаль группасы балалары шигырьләр укыдылар. Хореограф Лилия Фаздалова «Айседора Дункан» биюен башкарды. Бистә шагыйрәсе Мария Прохорова Сергей Есенинга багышланган шигырен сөйләде. Бу кичә чакырылган кунакларга - ветераннар советы әгъзаларына, бистә өлкәннәренә, мәктәп укучыларына шигъриятнең матурлыгын ачып, бәйрәм бүләк итте.