Сәламәт тәндә-сәламәт рух

6 апрельдә 14.00 сәгатьтә гимназиядә ветераннар советлары рәисләре катнашында конференция үтәчәк.

Шул ук көнне 10.00 сәгатьтә район балалар китапханәсендә курчак театры сәламәт яшәү рәвешенә багышланган "Тылсымлы урман маҗаралары"н күрсәтә.

Район үзәк поликлиникасында, пенсия фонды һәм социаль яклау идарәләрендә алтмыш яшьтән узганнар өчен "Кан басымыңны тикшерт" акциясе оештырыла.

Пенсия яшендәгеләргә бу көнне бассейнда бушлай шөгыльләнү мөмкинлеге тудырыла.

7 апрельдә 8.00 - 13.00 сәгатьләрдә үзәк поликлиникада "Ачык ишекләр көне" үткәрелә. Барлык белгечләр дә кабул итү үткәрә.

Пенсия яшендәгеләр бу көнне Боз сараеннан бушлай файдалана ала.

Район халкына барлык спорт объектларында спорт белән шөгыльләнүгә 50 процент ташлама ясала.

10 апрельдә 10.00 сәгатьтә район-шәһәр Мәдәният йортында пенсионерлар өчен бушлай фильм күрсәтелә.